جور..
اشما طفح غيضك على الناس
سليل الضيم الك بالساس نداس
لون تكبر حقد
نكبر علامات
وجذب شمس الظهر .بالباع تنجاس
تذل كثر الكصص حد لطخة الطين
وكصصنة..
ابشدة التاريخ تنباس
فرق بين البيع اسمة وسجاياة
ومابين الوفي المادنك الراس
ومن بين الحزن والآة والويل
ومن ركبة طفل ..ماكوت الميل
ومن بين العطش
والجوع ..والنار
ومن بين
الثواجل والمجاتيل
ومن بين الصبر والطيف والحيف
ومن بين الجفوف الملهن حيل
لون ليل الغدر يكبر علامات
نشع نجمة صبح ونشتت الليل
مهو وحدة الصى الصادك... مع انصوت
وابن ليلة غوة اليتهيب الموت
هلج يا كاع لاتتحذف حناياج
يخون اسمة النجة ابروحة وتعداج
ولون هبت عكس ريح التغاريب
وسحب روحة السمة؟
احنة عيون اسماج
ذرة ايامج كحل
واسمج مواويل
ودمعنة ايهون الج لو غيرنة انطاج
الأحد سبتمبر 23, 2007 3:04 pm