اشعار تجنن

المن نشكي مصايبنا وهمنا
وعفنا الاهل والصاحب وهمنا
نطأطئ ررسنا تقبل وهمنا
الناس انذال ما بيهم حميه
---------------------
حبيبي اليوم ما بين ومايا
وبهجر نشّف دم الگلب ومايا
جبتله نانسي واصاله ونجوى ومايا
وطلع يدور هيفا وهبي عليه
---------------------
اجه ضيم الجديد وضيم غطني
بتسع ارماح جوه الضلع غطني
حبيبي اشاه اجاني البرد غطني
بشعرك نص عليك ونص عليه
---------------------
هلا بريح الشمال الجاي منهم
اعزاز وما كطعت الوصل منهم
چذب يلي تكول نجوز منهم
امس وطروشهم مرو عليه
---------------------
ينسال مافي عارفه ياناس ينسال
ودمع العين قبل البجي ينسال
سمعنا البيه مرض بفراشه ينسال
ونا مسلول ما من مرض بيه
---------------------
علام الترف حاربنه وعاده
الهجر ماجان اله نوبه وعاده
حبيبي شكلما تزعل وعاده
تجيبنك لابد الغيره عليه
---------------------
ولاراك,,,
لشظ الارض من ونتي ,,,ولاراك
ولاقيس انحل مثلي ,,,ولاراك
يمحبوبي يوم الاتعنة لدارك ,,,ولاراك
اتمنة هناك تاخذني المنية
---------------------
وسعة
اريد ازرع محبة بأرض **وسعة
لابوگصيبة وعين **وسعة
يحفار القبر بالله عليك **وسعة
ترة ثنينه تصير موتتنه سوية
---------------------
اقدم روحي اباقه وردلك
وكولن بعد ما رد وردلك
اجم مرسال من عندي وردلك
ولامنك جواب يرد عليه
---------------------
احبك يا ابو شامه وجه دوار
وانا من صغر سني عليك دوار
اريد اترك مهنتي واشتغل دوار
حتى اشوفك كل صباح وكل مسيه
---------------------
حمامة و نوحها لنوحي يجاره
و مدمعها مثل دمعي يجاره
الدهر ما انصف ويـانه يجاره
تعالي بهمنه نتجاسم سويــــــه